Prapancha Telugu

Latest Telugu News & information portal for Indians & NRI’s  

For more information contact :  info@prapanchatelugu.com

‘బ్రహ్మాస్త్రం’ గ్రాండ్ ప్రీ రిలీజ్ ఈవెంట్ ముఖ్య అతిథిగా యంగ్ టైగర్ ఎన్టీఆర్

యంగ్ టైగర్ ఎన్టీఆర్ ప్రస్తుతం అంతర్జాతీయ స్థాయిలో ట్రెండ్ అవుతున్నాడు. ఆస్కార్ అవార్డుకు నామినేట్ అయ్యే సత్తా ఉందని ఇంటర్నేషనల్ మేగజైన్ వెరైటీ ప్రకటించడంతో మరింతగా ఫేమస్ అయ్యాడు. అయితే ఇప్పుడు ఎన్టీఆర్ మరోసారి బాలీవుడ్ సినిమాకు మెయిన్ గెస్ట్  గా ఆకర్షణ అయ్యాడు.  ఆర్ఆర్ఆర్ సినిమాతో ఎన్టీఆర్ తెచ్చుకున్న క్రేజ్‌ను బ్రహ్మాస్త్రం టీం వాడుకునేందుకు రెడీ అయింది. మొత్తానికి ఇప్పుడు ఎన్టీఆర్ హవానే నడుస్తోంది. మొన్న ఆస్కార్ నామినేషన్ల వార్తలు, నిన్న అమిత్ షా మీటింగ్.. నేడు బ్రహ్మాస్త్రం ఈవెంట్ అంటూ ఇలా ఎన్టీఆర్ వార్తలే వినిపిస్తున్నాయి. కనిపిస్తున్నాయి.  విషయం ఏమిటంటే? రణ్‌బీర్ కపూర్, అలియా భట్ కాంబోలో రాబోతోన్న బ్రహ్మాస్త్ర సినిమా ప్రీ రిలీజ్ ఈవెంట్‌కు ఎన్టీఆర్ ముఖ్య అతిథిగా రాబోతోన్నాడు. ప్రస్తుతం ఈ విషయం నెట్టింట్లో ట్రెండ్ అవుతోంది. బాలీవుడ్ సినిమాలన్నీ వరుసపెట్టి ఫ్లాపులుగా మారి వెనక్కి తిరిగి వెళ్లిపోతోన్నాయి. ఘోరాతిఘోరమైన పరాజయాలను అందుకుంటోంది.అక్కడ  ఆమిర్ ఖాన్ సినిమా అయినా అక్షయ్ కుమార్ సినిమా అయినా కూడా బాక్సాఫీస్ వద్ద జనాలు ఛీ కొట్టేస్తున్నారు. కంటెంట్ తేడా కొట్టినా నచ్చకపోయినా కూడా నార్త్ ఆడియెన్స్ ఏ మాత్రం కూడా సినిమాలను చూడటం లేదు. ఇక మన సౌత్ సినిమాలు అక్కడ దుమ్ములేపుతున్నాయి. ఈ క్రమంలో రణ్‌బీర్ కపూర్, అలియా భట్ కాంబోలో తెరకెక్కిన బ్రహ్మాస్త్ర అనే చిత్రం రాబోతోంది. అదే సినిమాను తెలుగులో బ్రహ్మాస్త్రం అంటూ రిలీజ్ చేయబోతోన్నారు. ఇప్పటికే సినిమా ప్రమోషన్స్ పీక్స్‌కు చేరుకున్నాయి. చెన్నై, బెంగళూరు, కేరళ అంటూ సినిమా యూనిట్ అంతా తిరుగుతోంది. మొన్నటికి మొన్న రాజమౌళి, నాగార్జున, బ్రహ్మాస్త్రం టీం అంతా కలిసి చెన్నై టూర్ వేసింది. అందులో భాగంగా రణ్ బీర్ కపూర్, నాగార్జున, రాజమౌళి ముగ్గురూ కలిసి అరిటాకు భోజనం చేయడం ఎంతగా వైరల్ అయిందో అందరికీ తెలిసిందే. ఇక ఇప్పుడు ఈ మూవీ నుంచి అదిరిపోయే అప్డేట్ వచ్చింది. సెప్టెంబర్ 9న ఈ చిత్రం విడుదల కాబోతోంది. ఈ క్రమంలోనే సెప్టెంబర్ 2 న హైద్రాబాద్‌లో గ్రాండ్ ప్రీ రిలీజ్ ఈవెంట్‌ను నిర్వహించబోతోన్నారు. ఈ ఈవెంట్‌కు ముఖ్య అతిథిగా యంగ్ టైగర్ ఎన్టీఆర్ రాబోతోన్నాడు.
https://twitter.com/sonymusicindia/status/1563398876375093248

Related Posts

Latest News Updates