Prapancha Telugu

Latest Telugu News & information portal for Indians & NRI’s  

For more information contact :  info@prapanchatelugu.com

అతీక్ అహ్మద్ హంతకులను నైనీ జైలు నుంచి ప్రతాప్ గఢ్ జైలుకి తరలింపు

గ్యాంగ్ స్టర్ అతీక్ అహ్మద్ ను కాల్చి చంపిన వ్యక్తులను యూపీలోని నైనీ జైలు నుంచి ప్రతాప్ గఢ్ జైలుకి తరలించారు. భద్రతా కారణాల వల్లే ఈ తరలింపు జరిగిందని అధికారులు వివరించారు. నైని జైలులో శిక్ష అనుభవిస్తున్న వారిపై దాడులు జరిగే అవకాశం వుందని పోలీసులు అనుమానాలు వ్యక్తం చేశారు. అతీక్ ను హత్య చేసిన ముగ్గురు వ్యక్తులకు కోర్టు 14 రోజుల పాటు జ్యుడీషియల్ కస్టడీ విధించింది.

 

తాము ఫేమస్ కావాలనే అతీక్ అహ్మద్ ను చంపినట్లు నిందితులు పేర్కొన్న విషయం తెలిసిందే. ఇక… అతీక్ అహ్మద్ శరీరంలో 9కి పైగా బుల్లెట్లు ఉన్నట్టు పోస్టుమార్టం రిపోర్టులో వెల్లడైంది. పాయింట్ బ్లాంక్ రేంజ్ లో కాల్పులు జరపడంతో తలలోకి ఒక బుల్లెట్ దూసుకెళ్లింది. మిగతావి ఛాతి భాగంలో, వీపుపై తగిలినట్లు రిపోర్టులో డాక్టర్లు పేర్కొన్నారు. అతడి సోదరుడు ఆష్రఫ్ శరీరంలో 5 బుల్లెట్లను గుర్తించినట్లు సమాచారం.

 

యూపీ గ్యాంగ్ స్టర్, మాజీ ఎంపీ అతీక్ అహ్మద్ ను గుర్తు తెలియని వ్యక్తులు కాల్చి చంపారు., శనివారం రాత్రి పోలీసులు అతడిని ప్రయాగ్ రాజ్ లోని ఆస్పత్రికి మెడికల్ చెకప్ కోసం తీసుకెళ్తుండగా… ఈ ఘటన జరిగింది. ఈ ఘటనలో అతని సోదరుడు అష్రఫ్ కూడా మరణించాడు. అతీక్ మీడియా ప్రతినిధులతో మాట్లాడుతుండగా… అకస్మాత్తుగా ముగ్గురు వ్యక్తులు ఈ ఇద్దరిపై అతి సమీపం నుంచే కాల్పులు జరిపారు. దీంతో స్పాట్ లోనే వీరిద్దరూ హతమయ్యారు.

 

ఈ ఘటనకు సంబంధించి ముగ్గురి నిందితులను పోలీసులు అరెస్టు చేశారు. అయితే, ఈ హత్యలపై వారు ఇంకా ఎలాంటి ప్రకటన విడుదల చేయలేదు. మరోవైపు ఈ ఘటనతో ఆస్పత్రి ప్రాంతంలో తీవ్ర ఉద్రిక్త పరిస్థితులు నెలకొన్నాయి.ఇప్పటికే అతీక్ మూడో కుమారుడు అసద్ ను గురువారమే యూపీ పోలీసులు ఝాన్సీ ప్రాంతంలో ఎన్ కౌంటర్ చేశారు. అతని అంత్యక్రియలు శనివారం ఉదయమే ముగిశాయి.

 

గ్యాంగ్ స్టర్ అతీక్ అహ్మద్ హత్య నేపథ్యంలో యూపీ ప్రభుత్వం అలర్ట్ అయ్యింది. ఇప్పటికే ముఖ్యమంత్రి యోగి ఆదిత్యనాథ్ పోలీసు అధికారులతో అత్యున్నత స్థాయి సమావేశం నిర్వహించారు. అన్ని జిల్లాల ఎస్పీలు, ముఖ్యంగా ప్రయాగ్ రాజ్ ప్రాంతంలోని పోలీసులు మాత్రం హైఅలర్ట్ గా వుండాలన్నారు.

Related Posts

Latest News Updates