మహేష్ ప్రస్తుతం యాడ్స్ షూటింగ్‌లో వున్నారు. త్వరలో నే త్రివిక్రమ్ డైరెక్షన్‌లో SSMB #28 మూవీ కోసం రెడీ అవుతున్నాడు. చాలా గ్యాప్ తరువాత ఫ్యామిలీతో కలిసి ఫారెన్ ట్రిప్‌కు వెళ్లి వచ్చాడు. ఇటీవల తన పుట్టినరోజు వేడుకలను కూడా ఘనంగా జరుపుకున్నాడు. టీవీసీ కంపెనీ యాడ్ షూట్‌లో ఉన్నప్పటి పిక్‌ను నమ్రాత శిరోద్కర్ షేర్ చేయగా.. వైరల్ అయిన సంగతి తెలిసిందే. తాజాగా మహేష్ బాబు సరికొత్త లుక్‌లో ఉన్న మరో బ్లాక్ అండ్ వైట్ పిక్‌ను సోషల్ మీడియాలో షేర్ చేసుకున్నాడు. ‘Loving the new vibe’ అంటూ సరికొత్త లుక్‌లో సూపర్ స్టార్ క్యాప్షన్ ఇచ్చాడు. ప్రస్తుతం ఈ స్టిల్ నెట్టింట వైరల్ అవుతోంది. వైట్ టీషర్ట్ వేసుకున్న మహేష్.. సరికొత్త హెయిర్ స్టైల్‌లో దేనికోసమే చూస్తున్నట్లు ఆ స్టిల్ ఉంది. బర్త్ డే తరువాత సూపర్ స్టార్ తొలి స్టిల్ షేర్ చేసుకోవడంతో ఫ్యాన్స్ పండగ చేసుకుంటున్నారు. త్వరలోనే త్రివిక్రమ్ డైరెక్షన్‌లో తెరకెక్కనున్న మూవీ షూటింగ్‌లో పాల్గొనబోతున్నాడు మహేష్ బాబు. ఈ నెలలో రెగ్యులర్ షూటింగ్ ప్రారంభిస్తామని మూవీ యూనిట్ ఇదివరకే ప్రకటించింది. మహేష్ బాబు సరసన అందాల తార పూజాహెగ్డే మరోసారి హీరోయిన్‌గా యాక్ట్ చేస్తోంది. మహేష్, త్రివిక్రమ్ కాంబోలో అతడు, ఖలేజా చిత్రాలు రాగా.. మళ్లీ దాదాపు పుష్కరకాలం తరువాత వీరిద్దరి కాంబినేషన్ ఇప్పటికి సెట్ అయింది.ఈ చిత్రానికి తమన్ మ్యూజిక్ అందిస్తున్నాడు. సితార ఎంటర్టైన్మెంట్ బ్యానర్ లో వచ్చే ఈ మూవీ 2023 వేసవిలో థియేటర్స్ ముందుకు తీసుకువచ్చేందుకు చిత్ర బృందం ప్లాన్ చేస్తోంది. ఈ సినిమా తరువాత దుర్గా ఆర్ట్స్ బ్యానర్ లో ఎస్ ఎస్ రాజమౌళి డైరెక్షన్‌లో మహేష్ బాబు నటించనున్నాడు.
