మాస్ మహారాజా రవితేజ నటిస్తున్న తాజా చిత్రం రావణాసుర. 2023 ఏప్రిల్ 7 న థియేటర్లలో గ్రాండ్ గా విడుదల చేసేందుకు మూవీ టీమ్ సన్నద్ధత చేసుకుంటోంది. ఇప్పటికే రవితేజ టీం రావణాసుర ప్రమోషన్స్ లో బిజీగా ఉంది. అయితే… ఈ సినిమా మేకర్స్ జబర్దస్త్ అప్ డేట్ ఇచ్చారు తాజాగా. రావణాసుర నుంచి డిక్కా డిష్యుం అంటూ సాగే పాటను మార్చి 22న సాయంత్రం 4:05 గంటలకు విడుదల చేస్తున్నట్టు ప్రకటించారు. రవితేజ మాస్ ఎనర్జిటిక్‌ తో ఈ పాట వుండబోతోందని దర్శకుడు సుధీర్ వర్మ ప్రకటించాడు కూడా.
దీంతో మాస్ మహారాజా రవితేజ అభిమానులు మరింత ఆసక్తికరంగా ఎదిరిచూస్తున్నారు. ఈ చిత్రంలో అనూ ఎమ్మాన్యుయేల్‌, పూజిత పొన్నాడ, దక్షా నగార్కర్‌, ఫరియా అబ్దుల్లా, మేఘా ఆకాశ్‌ ఫీ మేల్‌ లీడ్ రోల్స్‌ పోషిస్తున్నారు. రావణాసురలో సుశాంత్‌ విలన్‌గా నటిస్తున్నాడు. రావణాసుర అభిషేక్ పిక్చర్స్‌, రవితేజ టీమ్ వర్క్స్‌ బ్యానర్లపై సంయుక్తంగా తెరకెక్కుతుంది. రావణాసురలో రావు రమేశ్‌, మురళీ శర్మ, సంపత్‌ రాజ్‌, నితిన్‌ మెహతా కీలక పాత్రల్లో నటిస్తున్నారు.
