‘విక్రమ్’ ఘన విజయం సాధించడంతో సంతోషంగా ఉన్న కమల్ ను చిరంజీవి తన నివాసానికి ఆహ్వానించి సన్మానించారు. కార్యక్రమంలో బాలీవుడ్ స్టార్ సల్మాన్ ఖాన్ సందడి చేశారు. కమల్ కు చిరంజీవి శాలువా కప్పి, పుష్పగుచ్ఛాన్ని అందించి సన్మానించారు. ‘విక్రమ్’ దర్శకుడు కనకరాజ్ ను కూడా చిరు అభినందించారు.
ఈ విషయాన్ని సోషల్ మీడియా ద్వారా చిరంజీవి తెలిపారు. సినిమా విజయాన్ని అభినందిస్తూ తన ప్రియ మిత్రుడు కమల్ హాసన్ ను సన్మానించడం ఆనందంగా ఉందని చిరంజీవి అన్నారు. కమల్, సల్మాన్ ఖాన్, డైరెక్టర్ కనకరాజ్, ‘విక్రమ్’ సినిమాకు చెందిన ఇతర టీమ్ సభ్యులకు తన నివాసంలో పార్టీ ఇచ్చానని చెప్పారు. మై డియర్ ఫ్రెండ్ ‘విక్రమ్’ ఒక అద్భుతమైన సినిమా అని ప్రశంసించారు.
