ఈ మధ్య ఓటీటీలకు, వెబ్ సిరీస్ లు, టాక్ షోలకు విపరీతమైన డిమాండ్ పెరిగిపోయింది. ఈ టాక్ షోలు రియాలిటీకి బాగా దగ్గరగా వుండటంతో ప్రజల నుంచి మరింత రెస్పాన్స్ వస్తోంది. తాజాగా నందమూరి బాలయ్య నిర్వహిస్తున్న ‘అన్‌స్టాపబుల్‌’ టాక్ షో బాగా వైరల్ అయ్యింది. తాజాగా సింగర్ స్మిత నిజం విత్ స్మిత అంటూ ఓ టాక్ షో ప్రారంభించింది. ఈ టాక్ షోకు సోనిలివ్ వేదికైంది. మరో 2 రోజుల్లో ఈ షో ప్రారంభం కానుంది. మొదటి ఎపిసోడ్ లో చిరంజీవి గెస్ట్ గా వచ్చారు.
ఈ ప్రోమోలో కాలేజ్‌ డేస్‌లో ఫస్ట్‌ క్రష్‌, స్టార్‌డమ్‌ వచ్చే క్రమంలో జరిగిన అవమానాల గురించి స్మిత అడగ్గా.. చిరు తనకు జగిత్యాలలో జరిగిన అవమానం గురించి చెప్పుకొచ్చాడు. ఓ సారి జగిత్యాలకు వెళ్లినప్పుడు పై నుండి పూల వర్షం కురిసింది. కొంచెం ముందుకు వెళ్లగానే కోడిగుడ్లు విసిరి కొట్టారంటూ చెప్పాడు. ప్రస్తుతం ఈ ప్రోమో నెట్టింట తెగ వైరల్ అవుతుంది. స్టార్ డమ్ సొంతం చేసుకునే క్రమంలో మీకు ఎదురైన అవమానాలు ఏమిటి? అంటూ సింగర్ స్మిత అడిగింది. అదే విధంగా తన కెరీర్ ఎలా మొదలైంది?అని అడగ్గా… చిరంజీవి పై విషయాన్ని వెల్లడించారు.
