తెలంగాణ రాష్ట్రానికి మోదీ ప్రభుత్వం మరో కానుక ఇచ్చింది. 400 కోట్లతో బేగంపేట విమానాశ్రయంలో అంతర్జాతీయ ప్రమాణాలతో ‘పౌర విమానయాన పరిశోధనా కేంద్రం’ (కారో) ఏర్పాటు చేయనుంది. ఈ విషయాన్ని కేంద్ర మంత్రి కిషన్ రెడ్డి ప్రకటించారు. శంలోనే తొలిసారి 5జీ టెక్నాలజీతో ఈ కేంద్రం నిర్మిస్తున్నారు. 2023 జులై నుంచి పరిశోధనలు ప్రారంభించడమే లక్ష్యంగా పనులు శరవేగంగా జరుగుతున్నాయి. ఎయిర్ పోర్ట్స్ అథారిటీ ఆఫ్ ఇండియా ఆధ్వర్యంలో హైటెక్ టెక్నాలజీతో ఏర్పాటు కానున్న ఈ కేంద్రంలో విమానయాన రంగంలో రానున్న రోజుల్లో చోటుచేసుకోనున్న సాంకేతిక మార్పులపై ఇందులో పరిశోధనలు జరగనున్నాయి.
ఈ ఏడాది జూలై నుంచి పరిశోధనలు ప్రారంభించడమే టార్గెట్ గా పనులు స్పీడ్ గా జరుగుతున్నాయి. ఈ ప్రాజెక్టు ద్వారా పరిశోధన, విమానయాన అభివృద్ధి, ఎయిర్ నావిగేషన్ సర్వీసెస్, ఎయిర్ ట్రాఫికింగ్ మేనేజ్మెంట్ కమ్యూనికేషన్స్ డొమైన్ ఎమ్యులేషన్ , నెట్‌వర్క్ ఎమ్యులేటర్, అనాలసిస్ ల్యాబ్స్ ఏర్పాటవుతాయి. అంతేకాకుండా ప్రమాద విశ్లేషణ కేంద్రం, సైబర్ సెక్యూరిటీ ల్యాబ్, డేటా మేనేజ్మెంట్, ప్రాజెక్ట్ సపోర్ట్, సాఫ్ట్‌వేర్ సొల్యూషన్ సెంటర్‌లు కూడా ఈ కేంద్రంలో ఉంటాయి.
1. విమానాశ్రయాలు, ఎయిర్ నావిగేషన్ సేవలకు సంబంధించిన పరిశోధనా సౌకర్యాలు
2. ఎయిర్ ట్రాఫిక్ మేనేజ్మెంట్ కమ్యూనికేషన్స్
3. డొమైన్ సిమ్యులేటర్స్
4. నెట్ వర్క్ ఎమ్యులేటర్
5. విజువలైజేషన్ & అనాలసిస్ ల్యాబ్స్
6. సర్వెలెన్స్ (నిఘా) ల్యాబ్స్
7. నావిగేషన్ సిస్టమ్స్ ఎమ్యులేషన్ & సిమ్యులేషన్ ల్యాబ్స్
8. సైబర్ సెక్యూరిటీ & థ్రెట్ అనాలసిస్ ల్యాబ్స్
9. డేటా మేనేజ్మెంట్ సెంటర్
10. ప్రాజెక్ట్ సపోర్ట్ సెంటర్
11. సాఫ్ట్‌వేర్ సొల్యూషన్స్ & టూల్స్ సెంటర్ ఇలా… పరిశోధనా సౌకర్యాలు వుండనున్నాయి.
