ప్రస్తుతం జరుగుతున్న కామన్వెల్త్ గేమ్స్‌లో భారత బ్యాడ్మింటన్ స్టార్, తెలుగు తేజం పి వి సింధు అద్భుత విజయం సాధించింది.బ్యాడ్మింటన్ మహిళల సింగిల్స్ ఫైనల్స్ లో సింధు స్వర్ణం సాధించింది. బ్యాడ్మింటన్ మహిళల సింగిల్స్ విభాగం ఫైనల్స్ లో సింధు కెనడా క్రీడాకారిణి మిచెలీలీ ని ఓడించింది. పూర్తి ఏకపక్షంగా సాగిన ఈ ఫైనల్లో సింధు 21-15, 21-13 తో అలవోకగా నెగ్గింది. దీంతో పతకాల పట్టికలో భారత్‌ నాలుగో స్థానానికి ఎగబాకింది. కాగా, కామన్వెల్త్ క్రీడల్లో ఆమెకు ఇదే తొలి స్వర్ణం కావడం విశేషం. ఈ క్రమంలో పలువురు ప్రముఖులు సింధుకు విషెస్ అందిస్తున్నారు. ఇందులో భాగంగా ప్రధాని మోడీ ట్విట్టర్ వేదికగా అభినందించారు. అలాగే సీఎం కేసీఆర్ హర్షం వ్యక్తం చేశారు. పీవీ సింధుకు శుభాకాంక్షలు తెలిపి, అభినందించారు.
The phenomenal @Pvsindhu1 is a champion of champions! She repeatedly shows what excellence is all about. Her dedication and commitment is awe-inspiring. Congratulations to her on winning the Gold medal at the CWG. Wishing her the best for her future endeavours. #Cheer4India pic.twitter.com/WVLeZNMnCG
— Narendra Modi (@narendramodi) August 8, 2022
కామన్ వెల్త్ క్రీడల్లో బ్యాడ్మింటన్ క్రీడాకారిణి పివి సింధు స్వర్ణం పతకం సాధించడం పట్ల ముఖ్యమంత్రి శ్రీ కె. చంద్రశేఖర్ రావు హర్షం వ్యక్తం చేశారు. పివి సింధుకు సీఎం శుభాకాంక్షలు తెలిపి, అభినందించారు. #CommonwealthGames2022 #PVSindhu
(File Photo) pic.twitter.com/YxRN24WL8o
— Telangana CMO (@TelanganaCMO) August 8, 2022
